Пирска ше суньоґи
21. юн 2022.Реґата „Води Войводиниˮ всоботу сцигла и до Керестура
27. юн 2022.Окрем збераня добродзечних прилогох за помоц чежко хорим дзецом, а хтори мож дац у вецей предавальньох у Руским Керестуре, тих дньох порушана ище єдна гуманитарна акция у хторей ше збера средства за купованє електромоторного инвалидского кочика особи з валалу.
Слово о Керестурцови хтори затераз жадал остац анонимни, а хтори у своїм 53-им року, и уж вецей роки пре пошлїдок хороти, мултиплей склерози, у инвалидским кочику. Окрем тей чежкей хороти, вон ше зочує и зоз атрофию мускулох пре хтору му потребни електромоторни инвалидски кочик же би ше шлєбодно могол рушац през валал.
Гуманитарну акцию порушали члени Месней заєднїци Руски Керестур, хтори и пренашли одвитуюци кочик, а за чийо комплетне опреманє будзе потребне назберац коло 60 000 динари.
Електромоторни кочик кошта 20 000 динари и напредок є достати од єдней особи з валалу, алє же би бул цалком функционални потребне залїпиц ґуми и докупиц два акумулатори хтори вєдно коштаю коло 34 000 динари.
Валалчанє хтори жадаю дац свойо доприношенє тей гуманитарней акциї можу то зробиц у Месней заєднїци, дзе поставена шкатула за добродзечни прилоги.