Явни тренинґ на керестурским базену
17. октобер 2022.
Заменєне ошвиценє у спортскей гали
1. новембер 2022.
З нагоди 20. октобра, 78. рочнїци Дня ошлєбодзеня Руского Керестура у Другей шветовей войни, вчера положени венєц на памятнїк погинутим борцом НОВ у Спомин парку револуциї.
Венєц положели секретар Месней заєднїци Михайло Пашо и заменїк предсидателя Месного одбору Здруженя борцох НОВ Руски Керестур Дюра Папуґа, котри и орґанизовали тоту подїю.
Потим як положени венєц, присутни чесц погинутим дали з минуту цихосци, а потим Папуґа наглашел же у борбох за ошлєбодзенє од фашизму и окупаторох з Керестура участвовали 374 млади особи хтори участвовали у закончуюцих биткох, од хторих 50 борци погинули. Папуґа ше здогаднул и на трох погинутих у войнових операцийох при розпадованю СФРЮ од коло 350 учашнїкох.
Вон тиж поволал же би ше явно бешедовало чи потребне тото означованє понеже єст розлични думаня, а Пашо наглашел же ше тота традиция здогадованя на борцох и далєй предлужи, та обецал и санированє памятнїка.
Превжате зоз Рутенпресу
