На смотри наступели и окремни госци

На месней смотри рецитаторох котра отримана у велькей сали дома култури змагали ше 19 рецитаторе у трох возростох: младшим, штреднїм и старшим. Селектор Слободанка Настасич и фахови консултант за руски язик Амалия Ковач вибрали найлєпших у шицких трох возростох.

У наймладшпим возросту насупели дванацецеро рецитаторе котрих пририхтала фахова сотруднїца Оленка Живкович. У тим возросту перше место освоєла Милена Рамач, друге Ема Венґрин, а треце место припадло Леонтини Еделински.

У штреднїм возросту наступели пецеро рецитаторе, а пририхтал их фахови сотруднїк Мирослав Малацко. Перше место у тим возросту завжала Ема Живкович, друге Исак Новта, а треце Мая Надь.

Рецитаторки у старшим воросту тиж пририхтал Мирослав Малацко. У тим возросту наступели два рецитаторки и обидва були успишни: Валентина Новта завжала перше место, а Минеа Югас друге.

На смотри як окремни госци наступели и дзеци у предшколским возросту зоз ПУ „Бамби” котрих пририхтали їх воспитачки. Публики ше представели Сара Малацко, Даниєла Рамач и Єлена Джуджар.

Фахови консултант за руски язик Амалия Ковач за „Рутенпрес” виявела же смотра у Керестуре була на окреме високим уровню, а селекторка Слободанка Настасич подзековала публики и Керестурцом на вше приємним и красним стретнуцу.

Превжате зоз Рутенпресу