Превентивни препатрунки у Руским Керестуре
15. марец 2023.
Реновиранє Русинових просторийох вочи ювилею
4. април 2023.
Дом здравя Кула порушал акцию специялистичних препатрункох гражданох без предходного заказованя, пре превенцию охорйованьох.
После Липару, прешлей соботи, 18. марца, жителє Руского Керестура у амбуланти могли превериц цукер у креви, кревов прицисок, робени им и ЕКҐ и ултразвук бруха, а препатрал и дерматолоґ. Одволанє було добре, коло 60 людзох одлучело вихасновац превентивну контролу свойого здравя.
Директорка Дома здравя Кула, др Весна Томич визначела же од велькей значносци унапрямовац фокус на доступносц самих препатрункох локалного жительства, у смислу активованя специялистох. Зоз такима акциями зменшуєме и розтерховюємe рядошлїд чеканя, а зоз тим и обезпечуєме адекватни условия за здравствене допатранє жительства.
– Сотруднїцтво локалней самоуправи зоз Домом здравя Кула хасновите и унапрямене є ґу здравственей добробути жительох кулскей општини. Сотруднїцтво зоз Домом здравя Кула, зоз приходом директорки добре, но и зоз предходним директором було добре, алє терашня директорка ма нову енерґию зоз котру жада допринєсц злєпшаню здравственей защити општини Кула – гварел нам дохтор Владо Бабич.
На тей акциї бул и Дамян Милянич, предсидатель општини Кула, дохтор Владо Бабич, директор филияли Републичного фонду за здравствене осиґуранє за Заходнобачки округ и Владимир Олеяр, предсидатель Совиту МЗ Руски Керестур.
