Венєц за Дзень ошлєбодзеня Керестура
21. октобер 2023.
Отримана схадзка Совиту Месней заєднїци
30. октобер 2023.
Домашнї шпайз, єденасти раз отримани вчера предполадньом у Спортскей гали, а у орґанизациї Здруженя женох „Байка”.
Як и задумане, манифестация ше отримує у нєвельким обсягу, алє и того року було 17 викладачох, попри Здруженя „Байка” з предсидательку Славицу Катона, було и домашнїх и пецерих викладачох з других местох.
На Домашнїм шпайзу було досц нащивительох, а могли купиц домашню жимнїцу, рижни присмачки, вецей файти домашнї колачи, єшеньске квеце, а тиж и сувенири и други продукти хтори вирабяю членїци „Байки”.
Тиж першираз були орґанизовани и мали роботнї за дзеци хтори пришли нащивиц Домашнї шпайз, а котри водзела Любица Няради. З дзецми ше правело покераї як и фиґури з овоцох.
И тогорочни Домашнї шпайз финансийно потримала Општина Кула и Локална акцийна ґрупа (ЛАҐ) „Шерцо Бачки”.
Превжате зоз Рутенпресу
