На нєдзелю Домашнї шпайз
24. октобер 2024.
Огньогасци отримали указуюци вежби
4. новембер 2024.
Манифестация домашнїх продуктох „Домашнї шпайзˮ, дванасти раз отримана внєдзелю, 27. октобра у Спортскей гали у Руским Керестуре, а у орґанизациї Здруженя женох „Байкаˮ.
Кус менєй як 20-еро викладаче того дня виложели свойо домашнї продукти, та нащивителє могли купиц домашню жимнїцу, домашнї овоцово соки, мед, айвар, квеце, рижни файти домашнїх колачох, рижни файти прикраскох, сувенири и ручно виробени предмети.
Жени з „Байкиˮ по традициї за наймладших орґанизовали роботнї, та того року було понукнуте правенє китайкох зоз волни и правенє фиґуркох зоз глїни. Роботнї водзели Гелена Салонтайова и предсидателька „Байкиˮ Славица Катона, а у обидвох роботньох дзеци наисце уживали.
Тогорочни „Домашнї шпайзˮ потримала Општина Кула, Туристична орґанизация Општини Кула, Локална акцийна ґрупа (ЛАҐ) „Шерцо Бачкиˮ як и Месна заєднїца Руски Керестур.
