Богате понукнуце продуктох на Домашнїм шпайзу
28. октобер 2024.
Други жимски турнир у малим фодбалу почнє 29. Новембра
6. новембер 2024.
Добродзечне огньогасне дружтво (ДОД) всоботу, 2. новембра, опрез свойого Огньогасного дому, у центру Руского Керестура, отримало указуюци вежби вєдно зоз Огньогасно-ратовацку єдинку зоз Кули, а присуствовали и члени Добродзечного огньогасного дружтва зоз Деспотова.
Кулска єдинка на тот завод указала вежбу ратованя и вицагованя покалїченого зоз розтрепаного авта, а керестурски огньогасци указали як приступиц ґу гашеню и як гашиц превозку.
На вежбох були присутни и дзеци хтори указали свою схопносц у роботи зоз брентачами, и прецизносц кед требало поцильовац мету, а млади члени ДОД-у указали як ше активира и хаснує ПП апарат.
Окрем популаризациї огньогаства медзи младима, як гварели члени ДОД, циль таких вежбох и же би ше змоцнєйло схопносци огньогасцох и тих хтори ратую, понеже їх реакция часто ключни фактор у ситуацийох борби за живот.
