За конєц Ружи – Вечар фолклорних ансамблох
29. юн 2026.
Вчера почала Водова, нєшка наступи бендох
18. юлий 2026.
Фестивал алтернативней музики „Водова фест”, после даскелїх рокох отримованя у Школско-спортскей гали, того року ознова будзе отримани на старим месце, на базену у Руским Керестуре.
Уход на фестивал того року будзе безплатни, а за нащивительох орґанизовани и безплатни камп.
Водова фест урядово почнє на пияток на 18 годзин кед наступи ди-джей Алеко, а попри нього наступя ище двоме керестурски ди-джейове Хруби и Мрле. Тиж наступя и три керестурски бенди: „Women power”, „Мацерово мушкатли” и „Шорт нотис”.
Фестивал будзе тирвац два днї, 17. и 18. юлия, будзе мац два бини, на главней буду наступац алтернативни бенди а на електро стейджу буду наступи ди-джейох.
Медзи наявенима виводзачами находза ше беоґрадски панк бенд „Йорґовани”, кросовер бенд хтори комбинує хип-хоп, хард-рок, метал и реґе „Исказ” зоз Панчева, алтернативни кавер бенд „Осми дзень” зоз Нового Саду, як и ди-джейове Ками, Контакт и Дроп Сенсеи.
Фестивал орґанизовани у сотруднїцтве зоз Здруженьом гражданох „Пакт Рутенорум”, а медзи иншим потримали го Општина Кула и Туристична орґанизация општини Кула.
