Першого дня Паски у церкви ше пошвецаю кошарки зоз єдзеньом – „паска“, курена шунка, сирец, колбаса, вайца, хрин, после чого шлїдзи фамилийни полудзенок.


Другого дня Паски хлапци облїваю дзивки, же би були швижи и бистри „як вода“ и за то доставаю дарунки, а трецого дня дзивки облїваю хлапцох.


Крачун як и при других народох, єдно зоз найважнєйших вирских шветох. На Вилїю, дзень пред Крачуном, рихта ше посна вечера ( риба на рискаши ).


Под оквицени крачун кладзе ше житко, а под стол кус слами. После вечери дзеци иду по шпиваню, и так родзенє Исуса увешелюю зоз шпиваньом крачунских шпиванкох, за цо доставаю дарунки.