На стреду 23.06.2021. будзе чисценє базена и спортски змаганя
17. юн 2021.
У Керестуре акция чисценя базену
23. юн 2021.
Спортске дружтво (СД) Русин и того року орґанизує традицийни Ноцни турнир у малим фодбалу у Руским Керестуре, хтори почнє 27. юния, а екипи мож приявиц по 26. юний кед ше у просторийох СД, у Старей школи, отрима вицагованє парох.
На змаганє ше можу приявиц сениорски екипи, пионирски, екипи младших пионирох, як и екипи ветеранох.
Кoтизация за сениорох виноши 10.000 динари по екипи, за младши селекциї 3.000 динару, а за екипи ветеранох 6.000 динари по екипи.
Награда за 1. место виноши 100.000 динари, за 2. место 30.000, а за 3. место 20.000 динари.
У шицких катеґорийох буду додзелєни и окремни награди за найлєпшого бавяча, ґолмана и ґолґетера, a за нащивительох кажди вечар наявена томбола.
Информациї о Турнире мож найсц на Фейсбук боку ФК Русин, лєбо достац на числа телефона од – Тихомира Медича 064/27-24-970, Александра Кочиша 062/188-00-34 и Ненада Медича 066/50-22-557.
