Наявени укладаня до култури у шицких местох општини Кула
26. юн 2021.
Потвердзени термин и програмни змист Ружи
30. юн 2021.
Вчера, 27. юния, у Руским Керестуре на терену у Старей школи, почал Ноцни турнир у малим фодбалу, хтори орґанизує Спортске дружтво „Русин”.
У катеґориї пионирох приявени вкупно 5 екипи, зоз Керестура и Кули,у катеґориї ветеранох ше змагаю тиж 5 екипи зоз Керестура, Кули, Вербасу и Коцура, а найвецей, дзешец екипи, приявени у ґрупи сениорох, дзе у каждей ґрупи буду по пейц екипи, зоз – Сивцу, Кули, Лалитю, Червинки або зоз Керестура.
Змаганя ше бавя по двокружней системи, кажде зоз каждим у своєй ґрупи, а кажди вечар ше бави по єдно змаганє пионирох, ветеранох и по два змаганя сениорох.
Уходнїца за одроснутих нащивительох кошта 100, а за дзеци 50 динари, и кажда уходнїца участвує и у вицагованю за томболу хтору обезпечую рижни спонзоре.
Орґанизаторе предвидзую же Турнир будзе тирвац мешац, з тим же соботами Турнир нє будзе отримовани.
