Манифестацию отворел предсидатель Општини
23. авґуст 2021.
Першокласнїком општина дарує школски прибор
25. авґуст 2021.
У другим колу Подручней фодбалскей лиґи Зомбор, фодбалере Русина всоботу, 21. авґуста, госцовали у Бачким Ґрачцу, дзе страцели змаганє од домашнєй екипи ФК Борац з резултатом 2:1 (1:0).
У 32. минути домашнї, зоз пенала, хтори потим и реализовани, почали водзиц зоз 1:0. Русин, и попри приятого ґолу, баржей и озбильнєйше напада на ґол домашнїх, но резултат ше нє меня.
Початок другого полчасу подобни як и цали перши полчас, ґол домашнїх „вишелˮ у воздуху, алє резултат и далєй остал 1:0 за домашнїх.
Сиґурни ґол зоз 11 метерох одбавел Янко Кулич у 51. минути.
Сам конєц змаганя принєсол и оштрейшу борбу, а як резултат того, и штири жовти картони за русинових бавячох, и два жовти картони за домашнїх.
Русин наступел у составе – Деян Кронич, Стефан Тома, Боян Голик, Александар Кочиш, Андрей Малацко, Деян Павлович (Боян Бранкович), Филип Вуйович, Оґнєн Маркович, Янко Кулич, Дарко Сушич, Матей Саянкович (Неманя Ковачевич, Иличич Лука), а ґол за Русин дал Янко Кулич.
Шлїдуюце коло Русин одбави процив Радничкого зоз Зомбору, на нєдзелю 29. авґуста, на Ярашу, а змаганє починє на 16,30 годзин.
