„Ениґма Дядяˮ пред полну салу Дома култури
22. новембер 2021.
Отримана промоция моноґрафиї о Ирини Колесаровей
24. новембер 2021.
Секретар Месней заєднїци Руски Керестур Михайло Пашо, обвисцує гражданох Руского Керестура же би ше приключели акциї збераня старих стварох хтори пооставали по обисцох наших предкох, а хтори маю историйну и културну вредносц за руску заєднїцу.
Циль тей акциї, як визначел секретар Пашо, же би ше предмети хтори маю окремну историйну вредносц зачувало од препаданя и забуца, а хтори би у будучносци були виложени у музею у Руским Керестуре.
Затераз, предмети як цо – стари руски посцелї, мебель, традицийне руске облєчиво и обуй, алати, роботни машини, пейґли, кнїжки, судзини, образи и подобне, буду змесцени у просторе под трибинами у Спортскей гали, а док ше найдзе адекватна простория за музей, предмети буду премесцени.
З тей нагоди, кажде хто жада участвовац у тей акциї може ше явиц до Месней заєднїци, и на тот способ, за будуци ґенерациї зачувац руске културне нашлїдство.
