Почало поставянє нових облакох на будинку Дома култури
11. април 2022.
Наютре будзе акция садзня древкох
15. април 2022.
Од 08. по 10. април у Сечню отримана 52. Покраїнска смотра рецитаторох Поето народу мойого на хторей наступели и штвери рецитаторе зоз Руского Керестура.
Зоз младшого возросту на Покраїнскей смотри наступела Ема Венґрин зоз Керестура.
У штреднїм возросту наступели Исак Новта и Яна Варґа, хтори достали и Златни дипломи, а буду участвовац и на Републичней смотри у Валєве.
Внєдзелю, у катеґориї старшого возросту, змагала ше Минеа Югас з Руского Керестура.
Рецитаторох з Керестура пририхтали Наталия Зазуляк, Мирослав Малацко и Оленка Живкович.
Орґанизатор смотри Союз уметнїцкей творчосци аматерох Войводини, а домашнї смотри Центер за културу општини Сечань.
Манифестацию софинансує Покраїнски секретарият за културу, явне информованє и вирски заєднїци, Општина Сечань и Покраїнски секретарият за образованє.
