Розсаднїк Блаґоєвич подаровал квеце Белавей птици
1. юн 2022.Длуго чекани концерт
11. юн 2022.Обвисценє гражданом о увиду до окремного виберацкого списку з нагоди виберанкох за членох Совиту месней заєднїци Руски Керестур котри розписани за 03.07.2022. року.
З нагоди вибернакох за членох Совиту месней заєднїци Руски Керестур котри розписани за 03.07.2022. року, обвисцую ше гражданє Месней заєднїци Руски Керестур же можу окончиц увид до часци виберацкого списку котри ше водзи за територию Месней заєднїци Руски Керестур, же би преверели чи су уписани до виберацкого списку и най вимагаю приношенє ришеня з котрим ше окончує пременка у виберацким списку (упис, сцеранє, вименка, дополнєнє або виправянє).
Увид до виберацкого списку ше може окончиц по заключенє виберацкого списку, 17.06.2022. року на 24 годзин, кажди роботни дзень од 7 по 15 годзин у будинку Општини Кула, улїца Ленїнова число 11 як и електронски на урядовим интернет боку Министерства державней управи и локалней самоуправи (https://upit.birackispisak.gov.rs/) зоз уписованьом податкох о окремним матичним числу гражданох.
По заключенє виберацкого списку, 17.06.2022. року на 24 годзин, гражданє можу од Општинскей управи Кула вимагац приношенє ришеньох з котрима ше окончую пременки у виберацким списку (упис, сцеранє, вименка, дополнєнє або виправянє), а од завераня виберацкого списку, по 72 годзини скорей дня виберанкох (по 29.06.2022. року на 24 годзин), Министерство державней управи и локалней самоуправи приноши ришеня з котрима ше окончує пременка у виберацким списку, по основи вимоги гражданох нєпоштредно придатих у Министерству або прейґ Општинскей управи.